დალაგებული კატალოგი
თანამედროვე ონლაინ მაღაზია მხოლოდ პროდუქტის სურათების დადება არ არის. მომხმარებელი დღეს ბევრს ელოდება: სწრაფ ჩატვირთვას, მარტივ ძებნას, გასაგებ ფასებს, უსაფრთხო გადახდას და კომფორტულ შეკვეთას.
პირველი აუცილებელი ფუნქცია არის დალაგებული პროდუქტის კატალოგი. კატეგორიები ლოგიკური უნდა იყოს. კარგი კატეგორიები SEO-საც ეხმარება, რადგან Google უკეთ იგებს საიტის სტრუქტურას.
ძებნა, ფილტრები და ძლიერი პროდუქტის გვერდი
თუ მაღაზიაში ბევრი პროდუქტია, ფილტრები აუცილებელია. მომხმარებელს უნდა შეეძლოს ფასით, ზომით, ფერით, ბრენდით ან სხვა მახასიათებლით გაფილტვრა.
პროდუქტის გვერდზე უნდა იყოს ფოტოები, ფასი, აღწერა, მახასიათებლები, მარაგის სტატუსი, მიწოდების ინფორმაცია და მკაფიო ღილაკი. კარგი პროდუქტის გვერდი მომხმარებელს კითხვებს უმცირებს.
მარტივი კალათა, checkout და გადახდის მეთოდები
კალათა და checkout რაც უფრო მარტივია, მით უკეთესი. მომხმარებელს უნდა შეეძლოს სწრაფად ნახოს რას ყიდულობს, რამდენს იხდის და როგორ მიიღებს შეკვეთას.
ონლაინ მაღაზიას უნდა ჰქონდეს ბიზნესზე მორგებული გადახდის მეთოდები: ბარათით გადახდა, გადარიცხვა ან გადახდა მიღებისას. მთავარია პროცესი მომხმარებლისთვის სანდო და მარტივი იყოს.
admin panel, SEO და ანალიტიკა
ბიზნესისთვის admin panel ძალიან მნიშვნელოვანია. თუ პროდუქტის დამატება ან ფასის შეცვლა რთულია, საიტის მართვა დამღლელი ხდება. კარგი admin panel დროს ზოგავს და შეცდომებს ამცირებს.
თანამედროვე ონლაინ მაღაზიას უნდა ჰქონდეს SEO-ს მართვის შესაძლებლობა: title, description, URL, alt text და sitemap. ასევე აუცილებელია Google Analytics და Search Console, რომ იცოდეთ რა მუშაობს.