ნახეთ გამოცდილება და ecommerce ცოდნა
ვებგვერდის დამზადების კომპანიის არჩევა მხოლოდ ფასის შედარება არ არის. შეიძლება ერთმა კომპანიამ იაფი ფასი გითხრათ, მეორემ ძვირი, მაგრამ რეალურად სხვადასხვა რამეს გთავაზობდნენ.
თუ გჭირდებათ ონლაინ მაღაზია, მოძებნეთ ecommerce გამოცდილება. ჩვეულებრივი კორპორატიული საიტი და ონლაინ მაღაზია ძალიან განსხვავდება: ecommerce-ში არის კალათა, checkout, პროდუქტები, გადახდები, შეკვეთები და ანალიტიკა.
დააკვირდით კითხვებს
კარგი გუნდი მხოლოდ იმას არ გკითხავთ, როგორი ფერი მოგწონთ. ისინი გკითხავენ რას ყიდით, ვინ არის მომხმარებელი, როგორ იღებთ შეკვეთებს, როგორია მიწოდება და რა პრობლემები გაქვთ დღეს.
თუ კომპანია მხოლოდ სწრაფად ფასს გეუბნებათ და ბიზნესს არ გეკითხებათ, ეს სიგნალია, რომ პროექტს ზედაპირულად უყურებენ.
გაიგეთ რა შედის ფასში
ფასში შეიძლება შედიოდეს დიზაინი, development, SEO setup, მობილური ვერსია, admin panel, ანალიტიკა, ტესტირება და მხარდაჭერა. ან შეიძლება მხოლოდ გვერდების აწყობა შედიოდეს.
ყოველთვის იკითხეთ დეტალურად: ვინ წერს ტექსტებს, ვინ ტვირთავს პროდუქტებს, იქნება თუ არა SEO და ვინ ასწორებს შეცდომებს გაშვების შემდეგ.
SEO და მხარდაჭერა არ გამოტოვოთ
ვებგვერდი ლამაზი შეიძლება იყოს, მაგრამ თუ Google-ში არ ჩანს, ბევრი შესაძლებლობა იკარგება. კომპანიას უნდა ესმოდეს ტექნიკური SEO: სათაურები, meta tags, URL-ები, სიჩქარე, მობილური ვერსია და sitemap.
საიტის გაშვების შემდეგ აუცილებლად დაგჭირდებათ ცვლილებები. ამიტომ წინასწარ გაიგეთ, როგორ მუშაობს მხარდაჭერა.